தமிழ் தமிழானவள்

Tuesday, February 26, 2013

பெண்கள் பாலுறவை தவிர்ப்பதற்கான காரணங்கள்

வயிற்றுக்கு சுகமான, நாக்குக்கு ருசியான சாப்பாட்டை சாப்பிட்டு விட்டு, மனசெல்லாம் மகிழ்ச்சியுடன் படுக்கையறைக்குள் நுழைந்து… அட்டகாசமான முன் விளையாட்டுக்குப் பிறகு, இனிப்பான அனுபவத்துக்கு தயாராகும் நிலையில்…. கணவனுக்கு மட்டும் உற்சாகத்துடன் விறைப்புத் தன்மை இருந்தால் மட்டும் பத்தாது. மனைவிக்கும் உற்சாகமும், உணர்ச்சியும் அதிக அளவு இருக்க வேண்டும். ஒரு மனைவி கணவனால் தூண்டப்பட்டப் பின்னரும் உணர்ச்சி அடைய முடியவில்லை எனில்… மனைவிக்கு வேறு ஏதேனும் குறைபாடு உள்ளதா என்று கவனிக்க வேண்டும்.

இன்றைய நவீன கம்பியூட்டர் காலத்தில் அதிக உழைப்பு, அலைச்சல், மன அழுத்தம், வருத்தம் பண பிரச்சனைகள் அழற்சி என்று அனேக அன்றாட மன உளைச்சலுக்கு ஆண் அதிகமாக ஆளாக்கப்பட்டாலும் பாலுறவு என்று வரும் பொழுது பெண்களே அதை அதிகம் தவிர்க்கின்றனர். அன்றாட வாழ்வின் மன உளைச்சலுக்கு பாலுறவே ஒரு சிறந்த வடிகால் என்பதனை ஏற்றுக் கொள்ள மறுக்கின்றனர்.
ஆனால், ஆணோ அனைத்து பிரச்சனைகளையும் எதிர் கொண்டு பாலுறவு என்று வரும் பொழுது (பெரும்பாலான ஆண்கள்) அனைத்து மன உளைச்சலையும் ஒதுக்கி தன்னை உறவிற்கு தயார்படுத்தி கொள்கின்றான். பெண்கள் பெரும்பாலும் பாலுறவை தவிர்க்கவே விரும்புகின்றனர். அதிலும் முக்கியமாக நடு வயது பெண்கள் முற்றிலும் பாலுறவை தவிர்ப்பதையே விரும்புகின்றனர். சமீபத்தில் அமெரிக்க ஆராய்ச்சி மையம் நடத்திய ஆராய்ச்சி ஒன்றின் வாயிலாக பெண்கள் பாலுறவை தவிர்ப்பதற்கான தலையாய காரணங்கள் கண்டறியப்பட்டுள்ளன. அவையாவன.
கருத்தடை சாதனங்கள்
பெண்கள் உபயோகிக்கும் கருத்தடை மாத்திரைகள், சாதனங்கள் அவர்களது பாலுறவு விருப்பத்தைக் குறைத்து விடலாம்.
மருத்துவ மருந்துகள்
பலருக்கு அவர்கள் உபயோகிக்கும் பிற பிரச்சனைகளுக்கான மருத்துவமும் மருந்துகளும் பெண்களின் பாலுறவு ஈடுபாட்டை கட்டுப்படுத்தலாம்.
தாய்ப்பால் கொடுப்பது
பல பெண்களுக்கு தாய்ப்பால் கொடுக்கும் கால கட்டத்தில் பாலுறவு விருப்பம் முற்றிலும் குறைந்து காணப்படுகிறது. தாய்ப்பால் கொடுக்கும் சமயத்தில் (Prolactin) புரோலாக்டின் எனப்படுகின்ற ஹார்மோன் சுரப்பதே அதற்கு காரணமாகலாம்.
தூக்கமின்மை
அதிகம் திருமணமான பெண்களுக்கு பாலுறவிற்கு முன்பு தூக்கம் முந்திக் கொள்கிறது. இதற்கு போதுமான அளவு தூக்கமின்மையே காரணம்.

மன அழற்சி

அதிக உழைப்பு, அலைச்சல், மன வருத்தம், பண பிரச்சனைகள் குழந்தைகள், அவர்களது படிப்பு போன்ற வாழ்வின் தினசரி பிரச்சனைகள் பாலுறவு சிந்தனையை போக்கி விடுகிறது அனேக பெண்கள் மன அழுத்தத்திற்கும் மன அழற்சிக்கும் ஒரு சிறந்த வடிகால் பாலுறவு தான் என்பதனை ஏற்றுக் கொள்ள மறுக்கின்றனர்.
கருத்து வேறுபாடுகள்
வாழ்க்கையின் உறவுகளில் ஒன்றோடொன்று பின்னிப் பிணைந்து இருப்பது கருத்து வேறுபாடுகளும் மன வேறுபாடுகளுமேயாகும். இதுவே பல தருணங்களில் பாலுறவில் தலை தூக்குகின்றன.
ஹார்மோன் பற்றாக்குறை
பாலுறவிற்கு தேவையான அளவு ஹார்மோன் சுரக்க வேண்டும் அவ்வாறு இல்லாமல் பற்றாக்குறையான டெஸ்டோஸ்டீரோன் Testo sterone போன்ற ஹார்மோன்கள் சுரப்பதனால் பாலுறவில் விருப்பமின்றி போகிறது. பெண்களிடமும் ஆண் ஹார்மோனான டெஸ்டோஸ்டீரோன் சிறிதளவு இருக்கிறது. இது ஏறுமாறானால் பிரச்சனைகள் வரும்.
நெருக்கத்தில் விருப்பமின்மை
சில பெண்களில் நெருக்கமான உறவுகள் ஒரு வித பயத்தையும் அருவருப்பையும் கொடுக்கும். இதனால் அவர்களது உடலைப் பற்றி முற்றிலும் தெரிந்த விடுமோ என்ற ஒரு வகை ஐயம் பாலுறவில் விருப்பத்தை குறையச் செய்துவிடலாம்.
பெண்ணோ, ஆணோ அவர்களது உடல் வளர்ச்சி, பருவ மாற்றங்கள், மனமுதிர்ச்சி, அனைத்திலும் ஹார்மோன்களின் பங்கு கனிசமானது. இத்தகைய வலிமை வாய்ந்த ஹார்மோன்களின் கலாட்டாவால் கூட பெண்களில் சிலருக்கு எளிதில் காம உணர்ச்சி எழாமல் போகலாம்.
உடல் அமைப்பில் விரக்தி
சில பெண்களுக்கு உடல் அமைப்பில் ஒரு வித வெறுப்பு – தான் பிறரை விடவும் தனது கணவரை விடவும் அழகு குறைவாகவும், உடல் பொலிவு இல்லாது வயது முதிர்ந்து தளர்ந்து இருப்பதாகவும் தாங்களே தங்களுக்குள் எண்ணிக் கொள்ளும் ஒரு வித சுய பச்சாதாபம் பாலுறவில் வெறுப்பை ஏற்படுத்தி விடும். பாலுறவு என்பது ஒரு நாகரீகமற்ற சொல் என்றோ செயல் என்றோ பெண்கள் எண்ணாது பாலுறவு என்பது மன அழற்சிக்கும் மன அழுத்தத்திற்கும் ஓர் ஒப்பற்ற வடிகால் என்றும் இனிய இல்லறம் அமைத்திட ஒர் சிறந்த வழி என்பதனையும் உணர வேண்டும், ஏற்றுக் கொள்ள வேண்டும். மன ரீதியாகவும் உடல் ரீதியாகவும் பிரச்சனைகள் இருப்பின் அவற்றை நன்கு கற்றுத் தேர்ந்த மருத்துவருடன் ஆலோசித்து சீர் செய்ய முயற்சி செய்திட இனிய இல்லறம் அமைத்திடலாம்..

ரிலாக்ஸ் ப்ளீஸ்

அவசரமான நமது வாழ்க்கை முறையை எவ்வாறு தளர்த்திக் கொள்வது என்பதை பார்ப்போம்.
தியானம் தரும் நிம்மதி
தியானம் செய்கின்ற பழக்கத்தை வளர்த்துக் கொள்ளுங்கள். தியானம் நமது அன்றாட அவசரமான வாழ்க்கைக்கிடையில் நம்மை நாம் புதுப்பித்துக் கொள்ள மிகுந்த பயன் தருகின்ற விசயமாகும். நமது முறுக்கேறிய விசைப் போன்ற நரம்புகளுக்கு தியானம் மிகுந்த தளர்ச்சியை தந்து நம்மை ரிலாக்ஸ் செய்கிறது.

யோகாசனம் செய்யுங்கள்
யோகாசனத்தை போன்ற நம்மை தளர்த்தி விடுகின்ற வேறு கலை இல்லை. யோகாசனம் என்பது உடற்பயிற்சி மட்டுமல்ல. அது நமது மனத்தையும் தளர்த்தி நம்மை உற்சாகமூட்டுகிற ஒரு அற்புதமான கலையாகும். மனசுக்கும் உடம்புக்கும் ஒரே நேரத்தில் எது புத்துணர்ச்சியைத் தருகின்றதோ அது தான் நம்மை இந்த அவசரமான வாழ்க்கைச் சூழலிலிருந்து தப்பிக்க வைத்து நம்மை ஆரோக்கியமாக வாழ வைக்கும்.
மனம் விட்டு பேசுங்கள்
அன்றாடம் உங்கள் மனைவியுடனோ அல்லது நீங்கள் பெரிதும் விரும்பும் நபரிடம் மனம் விட்டு பேசுங்கள். அது உங்களின் மன இறுக்கத்துக்கு வடிகாலாக அமைந்து மனசுக்கும், உடம்பிற்கும் ரிலாக்ஸாக அமையும். அப்படி பேசுகின்ற பொழுது பெரிதும் நடந்த உண்மையை, ஒளிவு மறைவின்றி பேசுவது மாதிரி உங்கள் மனப்பகிர்வு இருக்க வேண்டும்.
விளையாடுதல்
விளையாட்டை விளையாட்டாக இந்த காலத்தில் மேற்கொள்வதில்லை. விளையாட்டு ஒரு சிறந்த உடற்பயிற்சி. அது உடம்பிற்கு சிறந்த ஆரோக்கியத்தைக் கொடுக்கின்றது. என்பது மட்டுமே பலருக்கு தெரிந்த விசயம். விளையாட்டு என்பது எந்த விளையாட்டாக வேண்டுமானாலும் இருக்கலாம். நம் மனதிற்கு ஒரு வடிகாலாய் அமைந்து நம்மை ரிலாக்ஸ் படுத்தும் ஆற்றல் விளையாட்டிற்கு உண்டு. மிகப் பெரிய தொழிலதிபர்கள், மிகப்பெரிய பணக்காரர்கள் வாரம் ஒரு நாளாவது விலையுயர்ந்த விளையாட்டான பில்லியர்ட்ஸ், கோல்ப் போன்ற விளையாட்டுகளை மேற்கொள்ளுவதைப் பார்க்கலாம். விளையாட்டில் நீச்சல் பயிற்சி, ஸ்கிப்பிங் மற்றும் தினமும் காலாற அல்லது வேகமாக மேற்கொள்கிற நடைப்பயிற்சியும் அடங்கும்.
டைரி எழுதும் பழக்கம்
தினமும் இரவு நேரத்தில் படுக்க செல்லுகின்ற பொழுது டைரி எழுதி விட்டு செல்லும் பழக்கத்தை மேற்கொள்ளுங்கள். இந்த பழக்கம் மன பாரத்தைக் குறைக்கும்.
இசைக் கேட்டால் புவி அசைந்தாடும்
இசை மிக மிக அற்புதமான விசயம். தினமும் உங்களுக்கு பிடித்தமான இசையை ரசிப்பதை ஒரு பெரும் பழக்கமாகவே வைத்துக் கொள்ளுங்கள். இசை நமது உடம்பின் நோயையே குணப்படுத்தும் ஆற்றல் பெற்றது என்கின்ற ஆராய்ச்சி முடிவுகள் எல்லாம் நம்மை வியப்பில் ஆழ்த்தி கொண்டிருக்கின்றன. இசை நமது சோகம், துயரம் அனைத்தையும் மறக்கடிக்கின்ற சர்வ வல்லமை பொருந்தியது என்பதை நாம் அறிவோம். இப்படி சோகத்தைக் கூட கரைந்துருக செய்கின்ற இசையானது நமது அவசரகதியிலான வாழ்க்கைக்கு இடையே புகுந்து நம்மை ரிலாக்ஸாக்குவது இசைக்கு ஒன்றும் கஷ்டமான செயல் அல்ல. அது சினிமா பாட்டாகவும் இருக்கலாம். அல்லது நீங்களே இட்டு கட்டி பாடும் பாட்டாகவும் இருக்கலாம்.
பொழுது போக்கு
உங்களுக்கென்று ஏதாவது ஒரு பொழுது போக்கு பழக்கத்தை ஏற்படுத்திக் கொள்ளுங்கள். எங்கே சார்…. நேரமே பத்தலை. இதுல பொழுது போக்கவா? என்று கேள்வி கேட்க வேண்டாம். நிஜத்தில் நாம் நிறைய நேரங்களைக் கழிக்கின்றோம் என்பது தான் உண்மை. புத்தகம் படித்தல், பழைய பொருட்களை சேமித்தல், பறவை பார்த்தல், இயற்கையை ரசித்தல் போன்ற ரசனைக்குரிய பொழுது போக்கு அம்சங்களில் ஒன்றை மேற்கொள்ளலாம். மனம் ரிலாக்ஸாக இவை உதவும்.
இறுக்கமான வாழ்க்கைச் சூழ்நிலையில் நம்மை ரிலாக்ஸ் படுத்துகிற அற்புதமான ஒன்று நம்மிடையே உள்ளது. இதனைத் திருமணமானவர்கள் மட்டுமே நடைமுறைப்படுத்த முடியும். அது தான் செக்ஸ். செக்ஸ்…. அற்புதமாக, அதிசயமாக மந்திரம் போல மனிதர்களை ரிலாக்ஸ் செய்கின்ற விசயம்.
நாம் எந்த அளவுக்கு நமது அழகிலும், ஆரோக்கியத்திலும் கவனம் செலுத்துகிறோம் என்பதை தெளிவாக எடுத்துக் காட்டுவது பற்களாகும். பேசும் போதும் சிரிக்கும் போதும் வரிசைக்கிரமமாக இருக்கும் பற்கள் ஒரு தனிக்கவர்ச்சியை பெண்களுக்கும், ஆண்களுக்கும் தருகிறது.
திருமணம் என்பது ஒவ்வொரு ஆணுக்கும் பெண்ணுக்கும் ஆண்டவன் தருகிற வரப் பிரசாதமாகும். மனமும் உடலும் ஒன்று சேரும் திருமண வாழ்வில் மனதையும் உடலையும் தூய்மையாக வைக்க வேண்டியது நம் கடமையாகும். உடல் அமைப்பில் பற்களுக்கு மிக முக்கியத்துவம் உண்டு. ஆரோக்கியமான, அழகான பல் வரிசை தான் ஒருவரின் வசீகரத் தோற்றத்திற்கு உதவுகிறது. பற்கள் கோணலாகவும், நீளமாகவும் அமைந்து விட்டால் முக வசீகரமே கெட்டு விடும். அதுவும் பிரச்சனை உரியவருக்கு திருமணம் நடைபெறுவது கூட பெரும் சோதனை தான். அதிலும் பெண்கள் என்றால் இன்னும் சோதனை. திருமணம் தான் முடிந்து விட்டதே என்று அலட்சியமாக இல்லாமல் கணவன் மனைவியின் சந்தோஷமான வாழ்க்கைக்கு பற்களைப் பேணி காப்பது அவசியமாகும்.
உடல் நல பராமரிப்பில் பல் மருத்துவமும் ஒன்றாகும். பற்கள் மிகவும் பேணிக்காக்க வேண்டிய உறுப்பாகும். உலகின் பல்வேறு பாகங்களில் பல்வேறு பெயர்களால் அழைக்கப்படும் வாய்த் துர்நாற்றம் ஒரு சமூக பிரச்சனையாகவே கருதப்படுகிறது. திரைப்படங்களில் வரும் விளம்பரங்களில் கணவனை விட்டு மனைவி பிரிவதற்கும், நேர்முக தேர்வில் தோல்வியடைந்தற்கும் காரணம் வாய்த்துர்நாற்றமே என்று காட்டப்படுகிறது. அவை, அளவுக்கும் மீறி சித்தரிக்கப்படுகிறதோ என்று கூட நினைக்கத் தோன்றும். ஆனால் நூற்றுக்கு நூறு உண்மை. இந்தியர்களிடையே அதிகமாக உள்ள நோய் (70%) பல் சொத்தையாகும்.
கணவன், மனைவி உறவில் முத்தம் கொடுப்பது அன்பை வெளிக்காட்டும் செயல். உணர்ச்சிகளின் சங்கமத்தில் முத்தம் முக்கிய பங்கு வகிக்கிறது. ஒருவருக்கொருவர் பரிமாறிக் கொள்ளும் நிலையில் வாய்த்துர்நாற்றம் வீசக் கூடியதாக இருந்தால், அளவுக்கு அதிகமான அன்பே ஒரு வெறுப்பாக மாறி இருவருக்கிடையில் விரிசலை ஏற்படுத்தக் கூடும். இத்தகைய அருவருப்பு ஏற்படும் வாய்த்துர்நாற்றத்திற்கு காரணம் வாய் மற்றும் பல் நோய்களின் அணிவகுப்பே ஆகும்.
காலையில் எழுந்ததும் வாயிலிருந்து ஒரு வித துர்நாற்றம் வீசுவதைக் காணலாம். இதற்கு காரணம், இரவில் வாயில் உமிழ்நீர் உறைவதும், உறைந்து விட்ட படர்திசு வாயில் சுரந்து அகற்றப்படாததுமே ஆகும். பல் சொத்தை, ஈறு நோய்கள், பற்களில் சீழ் கட்டுவது, பற்களுக்கிடையே உணவுப்பொருட்கள் தங்கி அழுகுவது, பற்கள் சரிவர சுத்தம் செய்யாமல், வாய் கொப்பளியாமை போன்றவை காரணமாகும். உடலில் ஏற்படும் பலவேறு வியாதிகளின் காரணமாகவும் வாய்த்துர்நாற்றம் ஏற்படலாம். என்ன காரணம் என்று அறிந்து சிகிச்சை செய்தால் தான் வாய்த்துர்நாற்றம் ஒழியும்.
பெண் என்பவள் கணவரது அன்புக்கும், பரிவுக்கும், பாராட்டுதலுக்கும் ஏங்கும் போது தொடர்ந்து பீடி, சிகரெட் சுருட்டு பிடித்தலால் ஏற்படும் துர்நாற்றமுடன் கணவன் அவளை நெருங்கினால் எப்படி இருக்கும் ?
பல பெண்கள் நகம் கடிப்பதை பேஷனாகவும், விட முடியாத பழக்கமாகவும் கொண்டுள்ளனர். நகத்தினிடையில் சேரும் அழுக்குகள் வயிற்றில் சேரும் என்பது தெரிந்த விசயம். பல்லின் முன் பகுதியும் இதனால் தேயும் என்பது புதிய செய்தி.
பல்லுக்கு சுவர் ஈறுகள். சுவர் இல்லை எனில் சித்திரம் இல்லை. எனவே பல் சுத்தம் செய்ய வேண்டியது அவசியமாகிறது. பல் சுத்தமாக இருந்தாலே கணவன், மனைவி உறவு இனிமையாக இருக்கும்.

பெண்கள் பாலுறவை தவிர்ப்பதற்கான காரணங்கள்

வெளியே என்னை வீரன் என்பார்கள்

உடல் அளவில் எந்த விதமான குறைபாடும் இல்லாமல் தம்பதிகள் இருப்பார்கள். இவர்கள் மற்றவர்களுடன் பழகும் தன்மைகள், தொழில் மீதுள்ள ஈடுபாடுகள் போன்ற எதிலும் வித்தியாசம் இருக்காது. கணவன் மனைவி இருவர் இடையேயும் எந்த சங்கடமான விஷயமும் இருக்காது. இருவரிடத்திலும் அன்புக்கும் பஞ்சமிருக்காது. வார்த்தை, பரிவு, அன்பு, நம்பிக்கை பரிமாற்றங்களிலும் எந்த விதமான வேறுபாடுகளும் இருக்காது. விகாரமான நிலைமையையும் பிறர் கண்டுபிடிக்க முடியாது. ஆனாலும் கூட, இவர்களிடத்தில் யாரும் அறியாத செக்ஸ் பிரச்சினை உள்ளுக்குள் மறைந்து இருக்கும். இது போன்ற மறைமுகமான செக்ஸ் பிரச்சினை பல தம்பதிகளிடத்தில் இருக்கிறது. தம்பதிகளுக்கு இடையேயான செக்ஸ் பிரச்சினைகளுக்கு உடல் ரீதியான அல்லது மன ரீதியான காரணங்கள் இருக்கலாம். அதனை கண்டறிந்து உடன் மருத்துவ ஆலோசனை பெற்று, தங்கள் பிரச்சனையை தீர்த்துக் கொண்டு முழுமையான இல்லற சுகம் காண்பவர்கள் சிலர் தான்.
ஓர் உதாரணம் சொல்கிறேன். கணவன் நன்கு படித்தவன். சொந்தமாக வியாபாரம் ஒன்றினை வெற்றிகரமாக நடத்தி வருபவன். எல்லோரிடமும் வெளிப்படையாக பழகுபவன். அவனுக்கு எந்த ஒரு கெட்ட பழக்கமும் இல்லை. மனைவியும் நன்கு படித்தவள். நல்ல குணவதி. இருவருக்கும் திருமணம் நடந்து சில ஆண்டுகளே ஆகிறது. இருவரும் அன்புடன், பாசத்துடன் இருந்து வருகிறார்கள். இவர்களுக்கு இடையே எந்த பிரச்சினையும் இல்லையென்று தான் அனைவரும் நினைத்துக் கொண்டு இருந்தார்கள். அவர்களுக்குள் பிணக்கு எதுவும் இல்லை. மன ரீதியிலான எந்த வித்தியாசங்களும் இல்லை. வாழ்க்கை சமச்சீராகத்தான் நடந்து கொண்டு இருந்தது.
ஆனால் அவர்களுக்கு குழந்தை இல்லை. பெண்வீட்டார் மகளை ஒரு லேடி டாக்டரிடம் பரிசோதனைக்காக\ அழைத்து சென்றார்கள். அப்போது தான் அவர்களுக்கு, தங்கள் மகள் இன்னும் கன்னி கழியாமல் இருப்பது தெரிய வந்தது. பெருத்த அதிர்ச்சிக்கு உள்ளானார்கள். மருத்துவர் அந்த இளம் தம்பதிகளை தீவிரமாக விசாரித்த போது சில நிஜங்கள் தெரிய வந்திருக்கிறது. மற்றவர் பார்வைக்கு மிகவும் அந்நியோன்யமாக இருப்பவர்கள் போல தென்பட்டவர்கள் படுக்கையறையில் பல மனச் சங்கடங்களுடன் உலா வருவது தெரிய வந்திருக்கிறது. இந்த மனக்கசப்பு இருவரிடையே முதலிரவு அன்றே தொடங்கி விட்டிருக்கிறது. இதற்கு அடிப்படை காரணம் என்னவென்று தீவிரமாக ஆய்வு செய்த போது, செக்ஸ் அறியாமை தான் காரணமென்று புரியபட்டிருக்கிறது.
ஆண்களுக்கு ஏற்படும் துரித ஸ்கலிதம் காரணமாகக் கூட, சில கணவன் மனைவிக்கு இடையே படுக்கையறையில் மனக்கசப்பு ஏற்படலாம். ஆண் பதற்றத்தில் இருக்கிற போது அவசரமாக விந்து வெளியாகும் வாய்ப்புகள் உண்டு. புதிய அறிமுகம், பதற்றமான சூழ்நிலை, உடலுறவைப் பற்றிய பயம், போன்ற சமயங்களில் பதற்றத்தில் அவசரமாக விந்து வெளியாகிவிடலாம்.
குடும்பப் பிரச்சினைகளின் காரணமாக, கூட்டுக் குடும்ப சூழ்நிலை போன்றவை படுக்கையில் மனக்கசப்பை ஏற்படுத்தலாம். பல வீடுகளில் பொருளியல் பிரச்சினைகள் படுக்கையறை குழப்பங்களுக்கு வித்திட்டு விடும். மனதில் ஏற்படும் அச்சம், அழுத்தம், பீதி, சில தகாத எண்ணங்கள் செக்ஸ் நடவடிக்கைகளில் பாதிப்பை ஏற்படுத்தலாம். இவற்றை எல்லாம் கணவன் மனைவிகள் தனிப்பட்ட முறையில் பேசியே தீர்வு கண்டு விடலாம்.

கல்யாணமானவரே சௌக்கியமா

திருமணமான புதிதில் சில பெண்களுக்கு ஒரு வகையான பாதிப்பு ஏற்படக் கூடும். இப்படி ஏற்படும் அந்த பாதிப்பை பார்த்து வாழ்க்கையின் சந்தோஷப் புத்தகத்தை முதன் முதலாக படிக்க ஆரம்பித்திருக்கிற புதுமணத் தம்பதிகள் மிகவும் குழம்பிப் போய் விடுவார்கள். கணவன், ‘என்ன இது திடீர்னு இப்படி ஒரு பிரச்சனை என்று சொல்கிறாளே’ என்று யோசித்து மனம் குழம்புவான். மனைவியோ, ‘இத்தனை நாளாக இல்லாமல் இப்படி ஒரு பிரச்சனை திருமணத்துக்கு பின்னர் தனது பிறப்பு உறுப்பில் வந்திருக்கிறது என்றால்… அது கணவன் மூலம் தான் தனக்கு வந்திருக்கும்’ என்று அதிரடியாக ஒரு முடிவுக்கு வந்திருப்பாள்.
இவ்வாறாக சில புதுமணத் தம்பதிகளை பாதிக்கும் பிரச்சனைக்கு ‘ஹனிமூன் சிஸ்டைட்டிஸ்’ என்று பெயராகும். இந்த பாதிப்பு திருமணமான புதிதில் சில பெண்களின் பிறப்பு உறுப்பை இ.கோலி என்ற கிருமி தாக்குவதால் ஏற்படும். இன்னும் சில பெண்களுக்கு ஹனிமூன் சிஸ்டைட்டிஸ் பாதிப்பானது…. திருமணமான பின்பு கணவனுடன் உடல் உறவில் முதன் முதலாக ஈடுபடும் போது, கணவனின் ஆணுறுப்பு மனைவியின் பிறப்புறுப்பில் உண்டாக்கும் கடுமையான உராய்வின் காரணமாகவும் உண்டாகலாம்.
பிறப்புறுப்பை சுத்தமாக, சுகாதாரமாக வைத்துக் கொள்ளாத பெண்கள்… முதன் முதலில் கணவனுடன் உடல் உறவில் ஈடுபடும் போது இந்த ஹனிமூன் சிஸ்டைட்டிஸ் பிரச்சனையை சந்திக்க நேரலாம். பிறப்புறுப்பை சுத்தமாக, சுகாதாரமாக வைத்துக் கொள்ளாத பெண்களின் பிறப்புறுப்பின் மேல்பகுதியில் கிருமிகள் வாடகை தராமல் குடியிருக்கும். இப்படியானவர்கள் முதன் முதலாக கணவனுடன் உடலுறவில் ஈடுபடும் போது, அங்கு குடியிருந்த கிருமிகள், சிறுநீர்ப் பைக்குள் சென்று விடும். இந்த கிருமி பெரும்பாலும் இ.கோலி (Escherichia coli) எனப்படும் பாக்டீரியாவாகும். அப்புறமென்ன ஹனிமூன் சிஸ்டைட்டிஸ் தான். திருமணமான புதிதில் சில தம்பதிகள் இந்த பாதிப்புக்கு உள்ளாவதால் தான் இதற்கு ஹனிமூன் சிஸ்டைட்டிஸ் என்று நாமம் சூட்டப்பட்டுள்ளது.
இந்த ஹனிமூன் சிஸ்டைட்டிஸ் காரணமாக பெண்களுக்கு அடிவயிற்றை பிசைவது போன்று வலிக்கும். சிறுநீர் கழித்து விட்டு வந்த அடுத்த நிமிடமே மறுபடியும் சிறுநீர் கழிக்க வேண்டும் போல் தோன்றும். உடல் உறவில் ஈடுபடும் போது மிகுந்த வலியில் பெண் துடிப்பாள்.
எல்லா பெண்களுக்கும் இந்த பாதிப்பு வரும் என்று எல்லா பெண்களும் மூக்கைச் சிந்த வேண்டாம். இது போன்ற பிரச்சனை வராமல் தப்பித்துக் கொள்ள வேண்டுமென்று நீங்கள் நினைக்கிறீர்களா? கணவன் மனைவி இருவரும் பிறப்புறுப்பைச் எப்போதும் சுத்தமாகவும் சுகாதாரமாகவும் வைத்துக் கொள்ளுங்கள் அது போதும். கணவனுக்கு ஒரு ப்ளீஸிங் அட்வைஸ்: ‘கிணத்து வெள்ளத்தை ஆற்று வெள்ளம் அடித்துக் கொண்டு போய் விடாது. ஆகவே நண்பரே… அவசரப் படேல்.
இந்த சிஸ்டைடீஸ் ஒரு சிறுநீர் மண்டல தொற்றுக்களில் ஒன்று எச்.கோலி தவிர இதர நுண்ணுயிர்களாலும் ஏற்படும். சிஸ்டைடீஸ் தவிர பெண்களுக்கு காண்டிடா மற்றும் ட்ரைகோமோனியாசிஸ் என்ற தொற்றுக்களும் ஏற்படும். கான்டிடா (Candida) எனும் ஃபங்கஸ் கான்டிடாஸிஸையும், ப்ரோடசோவா (Protozoa) பிரிவை சேர்ந்த ட்ரைகோமனஸ், ட்ரைகோமோனிஸ் வஜினைட்டிஸ்ஸையும் உண்டாக்கும். இந்த மூன்று தொற்றுகளால் கிட்டதட்ட ஒரே மாதிரியான உபாதைகளை உண்டாக்கும். உடலுறவு இந்த தொற்றுநோய்கள் தாக்கும் காரணங்களுள் ஒன்று. தேநிலவு மகிழ்ச்சியை கொடுக்கும் இவை வராமலிருக்க, வந்த பின் காக்க சில வழிமுறைகள்
1. நிறைய தண்ணீர் குடிக்கவும்
2. உடலுறவுக்கு முன் பிறப்புறுப்புகளை சுத்தமாக வைத்திருக்கவும்.
3. உடலுறவுக்கு முன்பும் பின்பும் சிறுநீர் கழிக்கவும். இதனால் தொற்றும் கிருமிகள் வெளியே வர வாய்ப்புண்டு
4. இளநீர், பார்லி தண்ணீர், ஆரஞ்ச், சாத்துக்குடி ஜுஸ் இவற்றை குடிக்க வேண்டும்.
5. பருத்தி உள்ளாடைகளை பயன்படுத்தவும்.
6. குளியல் ‘டப்’ (Bath tub) பில் குளிக்காமல் ‘ஷவரில்’ குளிக்கவும்.
7. முடிந்த மட்டும் தயிர் சாப்பிடவும். இதில் உள்ள லாக்டோ பாசிலஸ் அசிடோபைலஸ், அமிலத் தன்மையால் பாக்டீரியாவை அழிக்கும்.
8. நெல்லிக்காய், வெல்லம் இவற்றை 6 கிராம் அளவில் தினமும் உட்கொள்ளலாம்.
9. நீங்கள் தேநிலவு சென்றிருக்கும் இடத்தில் கிடைத்தால் இவற்றை உட்கொள்ளவும். முள்ளங்கி சாறு 25 மி.லி. அல்லது ஒரு கப் வெந்நீரில் 1/2 எலுமிச்சம் பழச்சாற்றையும், ஒரு மேஜைக்கரண்டி தேனையும் சேர்த்து குடிக்கவும்.
இந்த தொற்று வியாதிகள் ஆண்களை விட பெண்களை 50 மடங்கு அதிகம் தாக்கும். காரணம் பெண்களின் சிறுநீர் தாரை (Urethra) குறைந்த நீளமுடையது (3.5 செ.மீ.) ஆனால் ஆணின் சிறுநீர் தாரை 20 செ.மீ. ஆண்களில் 20 செ.மீ. நீட்ட தாரையை நுண்ணுயிர்கள் / கிருமிகள் கடப்பதற்கு நேரமாகும். அதற்குள் சிறுநீரால் அவை வெளியே தள்ளப்படலாம்.
உடல் உறவில் ஈடுபடும் போது மென்மையாகவே செயல்படு மனமே… என்று விரைந்து பறக்கும் உங்கள் மனப் பறவைக்கு உத்தரவு போடுங்கள். செக்ஸ் செயல்பாடு என்பது பரபரவென்று தூள் கிளப்பும் கபடி விளையாட்டுமல்ல; சென்டிமீட்டர் சென்டிமீட்டராய் யோசித்து யோசித்து விளையாடும் செஸ் விளயாட்டுமல்ல; மென்மையாகவும் அதே நேரத்தில் தேவையான வேகத்தையும் கூட்டிக் கொள்கிற மெத்தை வித்தை.
இந்த ஹனிமூன் சிஸ்டைட்டிஸ் பாதிப்பு வந்தால் பெண்கள் நிறைய தண்ணீர் குடித்து வருவதுடன் சாத்துக்குடி, ஆரஞ்சு போன்றவற்றினைச் சாப்பிட்டு வந்தாலே போதும். பத்து பதினைந்து நாட்களில் தானாகவே குணமாகி விடும். பிரச்சனை சரியாகாமல் தொடர் கதையாகிக் கொண்டு போனால் உடனடியாக மருத்துவ ஆலோசனை பெற வேண்டும்.

சந்தோஷத்தில் சொர்க்கம் இருக்கு

‘சின்ன சின்ன விஷயங்களும் சந்தோஷம் தரும்; ஆனால் சந்தோஷம் என்பது சின்ன விஷயமல்ல!’ என்று ஒரு ஜப்பானிய பொன்மொழி உண்டு. ஆம்! வாழ்க்கையில் நாம சந்திக்கிற, பெறுகிற சிறுசிறு அனுபவங்கள் ஒவ்வொன்றும் நமக்கு பெரிய பெரிய சந்தோஷத்தினை தர வல்லதாக இருக்கும். வீட்டில் இருக்கும் மனைவிக்கு எல்லா வசதியும் இருக்கும். கூப்பிட்டக் குரலுக்கு ஓடோடி வந்து ஏவல் புரிய வேலைக்காரர்கள் நிறைய இருப்பார்கள். தங்க நகைகளுக்கும் பஞ்சமிருக்காது. ‘வண்ணச் சீறடி மண் மகள் அறிந்திளல்’ என்று சொல்லுமளவுக்கு தரையில் பாதம் பதிக்காமல்… எங்கும் காரில் செல்லும் வசதியிருக்கும். பணம் எங்கும் மிதிபடும். எந்த ஆடையை இன்றைக்கு உடுத்திக் கொள்வது என்று குழம்பும் அளவுக்கு, வீட்டு அலமாரியில் ஆடைகள் அணிவகுப்பு நடத்தும். ‘ஞானஒளி’ திரைப்படத்தில் சிவாஜி கணேசன் ஒரு பாடலில் சொல்வது போல, ‘ஆயிரம் வசதிகள் இருந்தும் நோ பீஸ் ஆஃப் மைன்ட்’ என்கிற டைப்பில் தான் மனைவியின் முகத்தில் சந்தோஷம் மைனஸ் ஆகியிருக்கும்.
என்ன காரணம் என்று பார்த்தால்… கணவனின் அருகாமை என்பது அபூர்வமாக அமைந்திருக்கும். எப்போது வீட்டுக்கு வருவான் என்றே தெரியாது. அப்படியே வீட்டுக்கு வந்தாலும் அவனுக்குள்ள ஆயிரம் பிரச்சனைகளை மனசில் சேமித்து வைத்துக் கொண்டு சஞ்சல முகமூடியுடன் இருப்பான். கலகலப்பு என்பது அவனது முகத்தில் காணாமல் போயிருக்கும். அல்லது கணவன் பணி காரணமாகவோ, தொழில் நிமித்தமோ தூரமான இடத்தில் மனைவியை விட்டுப் பிரிந்து வாழ்வான். இன்றைய நாட்களில் பல வீடுகளில் நிலவும் பிரச்சனை இது. மனைவியின் அன்பை, காதலை, உணர்ச்சியை மதிப்பவர்கள் தங்கள் மனைவியை இப்படி ஒரு சிக்கலுக்கு உள்ளாக்க மாட்டார்கள்.
பணம் வாழ்க்கைக்குத் தேவையானது தான். ஆனால், அதற்காக தன்னையே நம்பி வந்த தேவதையின் உணர்வுக்கு மதிப்பளிக்காமல் பணத்தையே நேசிப்பது தவறல்லவா? அப்படியானவர்கள் பணத்தை தான் கல்யாணம் செய்து கொண்டு இருக்க வேண்டும். ஒரு பெண்ணை அல்ல

உடல் உஷ்ணம்

இல்லற சுகத்தை முழுமையாக அடைய கணவன் மனைவி இருவரும் ஒருவருக்கொருவர் பிடித்த மாதிரி உடலை சுத்தமாக்கிக் கொண்டு உடலுறவில் ஈடுபட வேண்டும். உடல் ரீதியான ஒரு முக்கிய விஷயம், ஸ்பரிசம் – தொடுதல் என்று எல்லாம் சொன்னோம். இந்த தொடுதல் இனிமையாக தொடர, கணவன் – மனைவி உடல் குளுமையாக இருக்க வேண்டும். மனைவி கணவனை ஆசையாக தொடும் போது கணவனின் மேனி, டைபாய்டு ஜுரம் வந்தது போல் ‘சுட்டால்’, சூடான வாணலியில் தண்ணீர் தெளித்தாற் போல் மனைவியின் ஆசை நிராசையாகி விடும். குளிர்காலத்தில் இதமாக சூடாகவும், வெய்யில் காலத்தில் குளிர்ச்சியாகவும் உள்ள மனைவியை எந்த கணவனுக்குத் தான் பிடிக்காது?
மனிதனால் தனது உடல் உஷ்ண நிலையை, வெளிப்புற வெய்யிலுக்கேற்ப, ஓரளவு மாற்றிக் கொள்ள முடியும். ஆனால் அதை உடனே மின்சார ஸ்விட்சை தட்டி கரண்டை “ஆஃப்” செய்வது போல் செய்ய முடியாது. உடல் உஷ்ணம் அதிகமாக முக்கிய காரணம் ஜீரண மண்டல கோளாறுகள்.
உடல் உஷ்ணம் பல கோளாறுகளை உண்டாக்கும். செக்ஸை பொருத்த வரை உடல் உஷ்ணம் விந்து முந்துதலுக்கு ஒரு முக்கிய காரணம். ஏன், சூட்டுடம்பு உடையவனுக்கு எல்லாமே சீக்கிரம் முடிந்து விடும். பலருக்கு தெரியாத ஒரு விஷயம் – மனிதனின் விதைப்பை, அவன் உடலின் உஷ்ணத்தை விட குறைவான உஷ்ண நிலை உள்ளவை. மனிதனின் உடல் 98.4 டிகிரி f உஷ்ணம் இருக்கும் போது அவனின் விதைப்பைகள் 96.4 டிகிரி தான் இருக்கும். நீங்கள் கவனித்திருக்கலாம் – வெய்யில் காலத்தில் விதைப்பைகள் விரிவடைகின்றன, குளிர்காலத்தில் சிறுத்து விடுகின்றன. விதைப்பை உஷ்ணமானால் விந்து முந்துவது மட்டுமல்ல, தரமில்லாததாக இருக்கும். உடலுறவின் போது சூடான உடல் குளிர்ச்சியான உடலை சேரும் போது உஷ்ண நிலை மாற்றத்தால் விந்து துரிதமாக முந்தி விடுகிறது.